АНУ-ын эрдэмтэд “3D” хэвлэх төхөөрөмжийг техник технологид нэвтрүүлсээр байгаа билээ.
Харин энэ удаад танилцуулагдаж буй төхөөрөмжөөр хүний эд эрхтэнг хэвлэн гаргахаар ажиллаж байгаа бөгөөд энэ бүхэнд ердөө ганц алхам дутуу байна хэмээн эрдэмтэд албан ёсоор мэдэгдэж байна.
Төхөөрөмж хүний биологийн шингэн болон эсүүдийн тусламжтайгаар эрхтэнгүүдийг хэвлэх бүрэн боломжтой боловч одоогийн байдлаар энэ асуудал дээр нухацтай хандан, ихээхэн анхааран ажиллаж байгаа юм байна.
Энэхүү төхөөрөмж нь мөн ариутган цэвэрлэх горимоор ажилладаг бөгөөд петрийн аяганд бүхий л төрлийн судалгааг явуулахад чиглэгдсэн ажээ.
Эрдэмтэд хүний эд эсийг хувилах технологийг сүүлийн 10 жил судалж байгаа ч энэ удаагийнх шиг нааштай амжилтад хүрсэн нь байхгүй юм байна.
Хэрвээ “3D” төхөөрөмжөөр хүний эрхтэнг амжилттай хэвлэж эхлэх юм бол нойр булчирхай, элэг бөөр гэх мэт хиймлээр эрхтэнгүүдийг үүсгээд зогсохгүй хүн төрөлхтөнд тулгараад байгаа эрүүл мэндийн томоохон асуудлуудыг шийдвэрлэх нь гарцаагүй юм.
